Swyddog Olrhain Cysylltiadau

 

Mae cyfle cyffrous ar gael i weithio yn y tîm sy’n cyflwyno’r ymateb cenedlaethol i bandemig COVID-19 ar ran rhanbarth Caerdydd a’r Fro.  Wrth i ni symud o drefniadau cyfyngiadau symud llym i gam nesaf y cynllun yng Nghymru, bydd angen cynnal system olrhain a phrofi cynhwysfawr o bobl â symptomau posibl. Unwaith y byddant wedi’u nodi, bydd gofyn i dîm o Ymgynghorwyr Cysylltiadau gynnig cyngor unigol wedi’i deilwra am hunan-ynysu i’r unigolion hynny ac unrhyw un y maent wedi dod i gysylltiad ag ef.

 

Manylion Swydd

Bydd eich rôl yn cynnwys bod yn gyfrifol bob dydd am adolygu rhestrau o gysylltiadau a roddir gan dimau Rhanbarthol/ffynonellau eraill.  Cynnal cyfweliadau achos gydag unigolion sydd eisoes wedi’u nodi’n rhai sydd â symptomau a/neu y cadarnhawyd bod Covid -19 ganddynt. Cynnal asesiad risg iechyd y cyhoedd cychwynnol o achosion Covid-19 y nodwyd bod angen olrhain cysylltiadau ar eu cyfer yn unol â’r protocol olrhain a rheoli cysylltiadau a phrotocolau neu ganllawiau pellach fel y nodwyd. Penderfynu a yw’r cysylltiadau’n rhai risg uchel neu isel a dyrannu galwadau i ymgynghorwyr cysylltiadau.  Rheoli cysylltiadau/galwadau cymhleth sydd wedi’u huwchgyfeirio gan yr ymgynghorwyr cysylltiadau

Byddai profiad o roi cyngor sy’n ymwneud ag iechyd y cyhoedd, gofal iechyd arall neu wasanaethau cwsmeriaid yn uniongyrchol i aelodau o’r cyhoedd a gwybodaeth am egwyddorion diogelu iechyd yn ogystal â phrofiad o reoli risg ac adrodd cysylltiedig o fantais ond nid yw’n hanfodol.. Mae dull trefnus o reoli achosion drwy nodi cysylltiadau yn hanfodol.

 

Mae’r gallu i ddatrys problemau wrth weithio mewn amgylchedd na ellir ei ragweld, yn aml dan bwysau ac o fewn amserlenni tynn yn hanfodol.

 

Mae profiad o weithio mewn canolfan alwadau’n hanfodol.

 

Er y gallai fod angen mynd i ganolfan alwadau am gyfnod hyfforddi, rhagwelir y bydd Rheolwyr Tîm yn gweithio gartref gan ddefnyddio datrysiadau digidol fel Microsoft Teams i gyfathrebu ag aelodau’r tîm yn unigol ac mewn grwpiau, rhannu dogfennau ac ati.

 

Bydd sifftiau ar sail rota o 8am i 8pm, 7 diwrnod yr wythnos.

Darperir hyfforddiant llawn ynghyd â goruchwyliaeth.

 

Mae hon yn swydd gradd 7 (14.91 yr awr).

Bydd ymgeiswyr amser llawn yn cael eu blaenoriaethu.

Mae’r pandemig yn rhywbeth sy’n digwydd unwaith mewn oes ac mae’r rôl hon yn rhoi’r cyfle i fod wrth wraidd ymateb iechyd y cyhoedd.

Wrth i’r cyfyngiadau symud gael eu llacio’n raddol, bydd angen i bob un ohonom gymryd camau i ddiogelu ein hunain, ein teuluoedd a’n cymunedau er mwyn cyfyngu’n llwyddiannus ar ledaeniad y clefyd. Bydd y strategaeth Profi, Olrhain, Diogelu yn gweithredu am 12 mis o bosibl, nes y caiff brechlyn ei ddatblygu. Bydd angen i bob un ohonom gymryd camau i ddiogelu ein hunain, ein teuluoedd a’n cymunedau er mwyn cyfyngu’n llwyddiannus ar ledaeniad y clefyd.